"Bro!" ani ni James saka tinapik ang kaniyang balikat. Si James ay isa sa mga barkada ni DJ na kababata niya na rin. Narito siya ngayon sa Red and White Bar. Gusto niyang magpakalango sa alak. Gusto niyang makalimot kahit ngayon lang. Dahil hanggang ngayon hindi pa rin sinasagot ni Desiree ang kaniyang tawag. Umupo si James sa tabi niya at kinuha ang kopita na kalalapag lang ng bartender.
"Akin na nga iyan!" naiinis niyang sabi. Ininom nito ang wine saka inilapag ito sa bar counter."
"Tama na iyan. Kanina ka pa umiinom. Sa tingin mo ba gusto ni Desiree iyan ginagawa mo? Bakit hindi mo na lang siya puntahan ulit sa kanila?" tanong nito. Ramdam na nga na nahihilo na siya. Umiling siya.
"Tiyak na hindi rin niya ako makausap," tugon niya.
"Subukan mo lang, DJ. Walang mawawala kung susubuka
