“OKAY KA LANG BA BES?” untag na tanong ni Emyrose sa kaniya nang nasa canteen na sila.
Napatingin naman siya ng diretso sa kaibigan. “Okay lang ako.” tipid na sagot niya.
“Iyong totoo bes?” kunot ang noo na tanong din ni Acez sa kaniya. “Kasi ilang araw ka na naming napapansin na parang ang tamlay mo. Parang ang dami mong iniisip. May problema ka ba?” tanong pa nitong muli.
Bumuntong-hininga siya ng malalim. “E, ilang araw na kasi akong nag-iisip kung saan ako puwedeng makahiram ng pera.” saad niya.
“Pera?” Emyrose.
“Para saan? Magkano ba ang kailangan mo?” tanong naman sa kaniya ni Wanda.
“Pera lang pala e! Magkano ba ang kailangan mo? Baka puwede naming ambagan at ng wala ka ng isiping problema.” anang Acez sa kaniya.
Tipid naman siyang ngumiti sa mga kaibigan pagkuwa‘y itinuon
