BIGLANG napabalikwas ng bangon si Maybel nang marinig niya ang malakas na tunog ng kaniyang cellphone. Mayamaya ay napahawak siya sa kaniyang sintido nang maramdaman niyang kumirot iyon. Napadaing pa siya at napapikit ng mariin.
“Ahhh!” habang hinihilot niya ang kaniyang ulo. Nang hindi pa rin tumitigil sa pagtunog ng kaniyang alarm clock ay inis na kinuha niya ang kaniyang cellphone na nasa tabi ng unan niya. Pinatay niya iyon. Pero mayamaya ay bigla rin siyang natigilan nang mapansin niyang parang iba ang paligid niya. Dahan-dahan na inilibot niya ang kaniyang paningin. Nangunot pa ang kaniyang noo nang mapagtanto niyang nasa ibang silid siya sa mga sandaling iyon. Makaraan ang ilang saglit ay bigla siyang napasinghap nang maalala niyang nasa Bar siya kagabi kasama sina Emyrose at Acez
