“HEY! ARE YOU OKAY?” untag na tanong ni Hunter kay Maybel nang matulala na ang dalaga. Kunot pa ang noo nito habang nakatitig sa mukha nito.
Kaagad din namang natauhan si Maybel nang marinig niya ang boses ng binata. Sunod-sunod siyang napakurap ng kaniyang mga mata. “A—” bumuka ang kaniyang bibig pero walang kataga ang nanulas doon. Napatingin pa siya sa distansya nilang dalawa. May dalawang hakbang pa ang layo ng binata mula sa kinatatayuan niya. Hindi rin nito hawak ang kaniyang mukha kagaya sa inaakala niya. At lalong hindi siya hinalikan nito. It was her wild imagination. Dahil siguro sa pag-iisip niya kanina kung ano ang pakiramdam ng mahilakan ng isang Hunter Silas Imperial, hayon at kung anu-ano na ang pumasok sa kaniyang isipan.
Tila napapahiya naman siyang nagbaba ng mukha upa
