MALALIM na buntong-hininga ang pinakawalan ni Maybel sa ere habang nasa kusina pa rin siya. Tapos na silang kumain ni Hunter. Tapos na rin siyang maghugas sa mga pinagkainan nilang dalawa. Pero taliwas sa sinabi ng binata kanina na mag-uusap sila habang kumakain, hindi iyon nangyari. Walang pag-uusap ang nangyari kanina sa pagitan nilang dalawa.
Mabuti na lamang din na ganoon ang nangyari. Labis pa rin kasing binabayo ng kaba ang kaniyang dibdib. Baka hindi pa siya makapagsalita kung nag-usap na sila kanina. Mabuti at nakapag-isip pa siya ngayon ng mga sasabihin niya rito kapag magkausap na sila mamaya. Nakapag-ipon na rin siya ng lakas ng loob para sa paghaharap nilang muli mamaya.
Makaraan ang ilang sandali ay naglakad na siya palabas ng kusina. Nakita naman niya ang binata na lumabas
