NAKATULALA lamang sa kisame si Maybel habang banayad na dumadampi-dampi sa mga labi niya ang kaniyang daliri. Halos may kalahating oras na siyang nakahiga sa sofa at matapos ang nangyari sa kanila ni Hunter kanina. Pero ramdam na ramdam pa rin niya ang pag-iinit ng kaniyang mukha. Hanggang ngayon ay nararamdaman pa rin niya ang mainit at malambot na mga labi ng binata na nakadampi sa mga labi niya. Parang sirang plaka ring paulit-ulit na naglalaro sa kaniyang isipan ang naganap kanina sa kanilang dalawa.
“Hinalikan niya ako?” tanong niya sa sarili at muling napangiti ng malapad.
Hanggang ngayon ay ayaw pa rin niyang maniwala na hinalikan nga siya ng binata kanina. Gusto niyang isipin na imagination niya lang ulit iyon kagaya noong makita niya itong naliligo sa swimming pool... pero nan
