“TONIGHT there‘ll be no distance between us. What I want most to do, is to get close to you. Tonight. Tonight I celebrate my love for you. And soon this old world will seem brand new...”
Pakanta-kanta pa si Maybel habang nasa loob siya ng banyo at nasa ilalim ng shower. Kinukuskos pa niya ng maigi ang sabon sa kaniyang katawan.
“Mmm! Mmm! Mmm!”
Pero mayamaya ay bigla siyang napahinto sa kaniyang ginagawa at pagkanta nang may bigla siyang maalala.
“Teka, paano pala ako napunta sa kabilang kuwarto kagabi?” Tanong niya sa kaniyang sarili. Nangunot pa ang kaniyang noo at napatitig sa kawalan. Pero makaraan lamang ang ilang segundo... nanlaki bigla ang kaniyang mga mata. Kahit malamig ang tubig na nagmumula sa shower na bumubuhos sa kaniyang katawan ay ramdam na ramdam niya ang biglang pag
