TULALA lamang si Maybel habang naglalakad siya sa kalsada. Ang lalim pa rin ng iniisip niya. Hanggang ngayon ay hindi pa rin mawala-wala sa utak niya ang mga nabasa niya sa papel na nakita niya mismo sa opisina ng kaniyang amo. Siya, kasal kay Hunter Silas Imperial? Hindi niya alam kung ano ang dapat niyang maging reaksyon dahil doon. Gusto niyang matawa na parang ewan. Isa ba iyong malaking joke? O baka naman namalik-mata lang talaga siya sa mga nakita at nabasa niya kanina? Kasi, ilang araw ng si Hunter parati ang laman ng isipan niya. Tapos ito rin ang laman ng usapan nila ni Emyrose kanina sa locker bago siya umalis ng Hotel. Siguro masiyado ng na overwhelm ang kaniyang isipan kakaisip sa binata kaya kung anu-ano na lamang ang nabubuo niyang imagination. Kaya pati ang kasal o marriage
