“OH! AKALA ko ba ayaw mong sumama sa amin mag Bar?” tanong ni Emyrose kay Maybel nang dumating ang dalaga sa bahay nito at sabihing sasama na lamang siya sa lakad ng mga ito mamaya.
Malalim na buntong-hininga ang pinakawalan niya sa ere pagkuwa‘y pumasok sa pinto nang buksan iyon ng maluwag ni Emyrose.
Sumunod naman ang dalaga. “Bakit nakasimangot ka riyan?” tanong nitong muli habang pinapatuyo ang buhok gamit ang tuwalya. Katatapos lamang nitong maligo.
“Parang gusto ko na ring mag inom ngayon e!” saad niya.
Nangunot naman ang noo ni Emyrose pagkuwa‘y umupo na rin sa kaibayong upuan. “Bakit? May problema ba?” usisang tanong pa nito.
“Naiinis lang kasi ako.”
Mas lalong nagsalubong ang kilay ng dalaga at napatitig sa kaniya ng mataman. “Naiinis kanino?”
“Kanino pa ba? E ‘di sa bos
