“NAKANGITI ka riyan?” untag na tanong sa kaniya ni Emyrose. Nakatambay sila sa labas ng tindahan ng nanay nitong si Aling Lita.
Kanina kasi pagka-uwi niya galing sa bahay ni Hunter ay kaagad niyang tinawagan ang kaibigan at sinabing gusto niya itong makausap. Ewan pero parang pakiramdam niya ay kailangan niyang makausap ang dalaga para mailabas ang kilig na nararamdaman ng kaniyang puso. Kasi kung iipunin niya lamang iyon sa loob niya, paniguradong sasabog siya anumang sandali.
Nagpakawala siya ng malalim ngunit banayad na paghinga pagkuwa‘y humigop sa straw ng soft drink niya.
“Kinikilig ako bes!” aniya at hindi na niya napigilan ang kaniyang sarili na mapangiti pa lalo ng malapad. Ramdam pa niya ang pag-iinit ng kaniyang mukha habang inaalala ang mga nangyari kanina sa kusina ng bin
