Mercedes
PINIPILIT ko ang sarili na makatulog pero hindi ko magawa. Gulong-gulo ang isip at ang nararamdaman ko dahil sa nakita ko kanina.
May kasamang babae si Kirill.
Mahigpit kong hinawakan ang kumot ko. Naalala ko noong unang beses kong nakita si Leonel na may kasamang babae. Nagselos din ako kaya kinonpronta ko siya, pero ang ending ako iyong pinagmukha niyang mali. Sinabi niya sa akin na binibigyan ko ng kahulugan ang mga bagay na dapat ay wala namang kahulugan. Tapos sa huli…tama ang hinala ko.
Huminga ako nang malalim. Baka kapag tinanong ko si Kirill ay isipin niyang mababaw rin ako at nagbibigay ng kahulugan sa mga bagay na hindi naman dapat. Isa pa, ano ba kaming dalawa? Mag-asawa kami sa papel pero we’re not the conventional couple. Hindi kami ganoong klase ng mag-asawa.
N
