Mercedes
PILIT kong nilalayuan si Kirill pero pilit naman niyang ginigiba ang kahit anong harang na gawin ko sa pagitan naming dalawa.
Hindi ako mapakali sa ospital. Kakalabas lang ng last patient ko ngayong araw pero ayoko pang umalis ng ospital. Para ngang mas gusto kong dito na lang matulog at magpalipas ng araw.
“Doc!” Kumatok ang isa sa mga nurse ko. Ngumiti siya sa akin nang sumilip sa pinto ng aking opisina.
Tumaas ang noo ko para malaman kung anong dahilan kung bakit niya ako tinawag. Ang unang pumasok sa isipan ko ay maaaring may emergency.
Tatayo na sana ako nang umiling ang nurse.
“May naghahanap ulit sa inyo, Doc. Ang sabi niya kilala ninyo raw po. Mitchell daw po ang pangalan niya.”
Isa pa iyan sa mga iniisip ko. Wala naman akong problema kung gustong makipagkaibigan n
