Calista
NANGINGINIG ang aking buong katawan habang pinagmamasdan ang cellphone ni Ced. Kung hindi pa hinaplos ni Ced ang braso ko ay hindi pa ako babalik sa katinuan.
“Cali…” Bakas kay Ced ang pag-aalala. Alam niya kung paano ako nag-react sa ginawa ni Nina noon sa akin, kaya siguro ay nag-aalala siya sa nararamdaman ko ngayon.
Akala ko ay tapos na ito. Pinakita pa nga ni Rage sa akin ang ginawa niya laban sa mga taong nam-bully sa akin. Kaya bakit, ito na naman?
Gusto kong mabuhay ng tahimik dito. Gusto kong iwanan sa Manila ang mga nangyari roon. Pero bakit tila sinusundan ako?
“Wait lang, ipapatanggal ko ‘to sa newspaper club. Sila kasi ang nagpa-publish ng mga ganito. Babalik ako o gusto mong sumama sa akin?”
Hindi ko nagawang makapagsalita. Nakatulala pa rin ako at tila ba nakak
