Calista
GABI NA ay wala pa rin si Rage. Hindi pa siya bumabalik at nag-aalala na ako.
Kanina pa nasa loob ng kuwarto sina Mama. Iniisip nila na baka kasama lang ng mga kaibigan niya si Rage kaya hindi na nila ito hinanp kanina, but I know better. Ang ekspresyon na mayroon si Rage kanina, alam ko na may binabalak siyang hindi maganda.
Hindi ako mabait, aminado naman ako. Pero hindi rin ako sobrang sama na gugustuhin ko na parating gumanti. Naniniwala kasi ako na karma na ang bahala sa kanila.
Mukhang si Rage ang karma na iyon.
Nasa loob na rin ako ng kuwarto ko kanina pero lumabas lang ako. Sinilip ko pa nga ang kuwarto ni Rage kaya nalaman ko na hindi pa siya umuuwi. Tinangka ko rin na i-text si Rage pero hindi siya nagre-reply.
Nasa sala ako at nakaupo lang sa sofa. Hindi ako makaka
