Chapter 12
Maraming pangyayari sa mundo na hindi akalain na mangyayari at mararanasan mo ang mga hindi inaasahan na pagsubok na susubok sayo. Life is unpredictable, hindi mo alam kung anong mangyayari kinabukasan. Kaya nga may kasabihan na pahalagahan mo ang mga hawak mo na dahil may pagkakataon na mawawala ito sayo kung di mo iingatan.
Sa nangyari sa apartment ni Heaven, wala siya ni isang gamit na napundar niya ang nasagip niya maliban sa kahon na may lamang ipon niya at mga lesson plan niya. Hindi inakala ni Heaven na mangyayari ang ganitong trahedya sa buhay niya, literal na hindi siya nakakilos kanina habang tinutupok ng apoy ang tinitirhan niya.
Wala na ang mga bumbero at mga pulis ang pumalit sa kanila para imbestigahan ang nangyari, kausap ng mga ito ang ilang res
