────⊱⁜⊰────
Isang linggo ng naninirahan si Maricris sa condo unit ni Sammy, kasama ang kaniyang anak. Madalas ay wala si Sammy, ngunit laging may nakabantay sa labas ng unit nito kaya hindi magawang takasan ni Maricris ang binata.
Katulad ngayon, maaga pa lamang ay umalis na si Sammy kaya silang dalawa na naman ng anak niya ang naiwan sa condo nito. Hindi naman nakakandado ang pintuan mula sa labas pero hindi rin siya makakaalis dahil sa dami ng nakabantay.
"Kailangang makaisip ako ng paraan upang matakasan ko ang mga bantay sa labas" bulong ni Maricris habang naghahalungkat ito sa medicine cabinet ni Sammy.
Isang botelya ang napansin niya na agad naman nitong kinuha.
'Sleeping pills,' bulong niya sa kanyang sarili. Nakarinig siya ng kaluskos kaya mabilis niyang ibinalik ang botelya
