────⊱⁜⊰────
Nakakaramdam ng matinding takot ngayon si Maricris. Pakiramdam niya ay may mangyayaring hindi maganda. Nanunuluyan siya ngayon sa isang hotel na pag-aari ng mga Curtis mula pa kahapon. Napag-alaman kasi ni Raymond Antonetti na tumungo si Sammy sa mansion nila David ayon sa isang tauhan ni Raymond na nakakita kay Sammy. Nagduda na agad ito kaya naman mabilis silang tumungo ng America upang ilipat si Maricris.
Ngayon ang araw ng flight nila patungong Thailand dahil duon muna maninirahan si Maricris kasama ang anak nito upang malayo kay Sammy.
"Nakahanda na ba ang lahat ng gamit mo?" tanong ni Isaac kay Maricris na tinanguan naman agad ng dalaga habang kalong nito ang wala pang isang buwang sanggol na anak niya. Kanina pa umiiyak si Maricris dahil sa takot na nararamdaman niya
