Maricris POV
Ala una na ng madaling araw ngunit gising na gising pa rin ako at hindi ako dalawin ng antok. Galit na galit si Sammy ng umalis siya ng condo at narinig ko pa ang isinigaw niya sa mga tauhan niya na bantayan akong mabuti.
Tama lang ang mga pinagsasasabi ko sa kanya dahil masama siyang tao. Wala siyang puso at sarili lang niya ang mahal niya. Kung inaakala niya na madadala niya ako sa mga ginagawa niya kanina sa akin ay nagkakamali siya. Natuto na ako at hindi na ako magpapa-uto sa kanya. Ganuon ang ginawa niya sa akin nuon, pinaniwala niya ako sa isang huwad na pagmamahal at dahil sa sobrang pagmamahal ko sa kanya ay nagtiwala naman ako at ibinigay ko sa kanya ng buong puso ang sarili ko. Hindi na ako paloloko pa sa kanya at kahit na ano pa ang gawin niya, hinding-hindi na
