18

2722 Words

محمد : ماصخ .. جان يدش فطـوم : اييه منو قالك ادش محمد : عادي اختيه ,, ياويلي ع اللبس فطوم : خالوه شوفيه ها والله اشكره اذا اخويه مغازلجي ياربيييه ,, بتخبرج ساروه قبل يوم كان يظهر وياكم جي كان يسوي ؟؟ جي يقول حق البنات سـاره تبا تغايضه : اوووف اسكتي عنيه عادي لو يشلها بعد فطـوم : بعــــد بيكون ريلج ,, الله يعينج سـاره : لا اميه مافيني ع ويع الراس محمد : جيه حبيبتي شو شايف*نيه !! سـاره فجت عيونها وجان ظهر سارت حجرتها وهيه مقهوره فطـوم : هههه حمـار والله ظهر محمد و سـار الصاله ويا حمـدان ,, شافو عبدالرحمن يشوف توم & جيري ,, صوب فطوم ام حمـدان : اووه ما اتصلت فطـوم : شاطره ام حمـدان ضحكت جان تتقر من التيلفون اللي كان عدال الكمبيوتر و اتصلت عليهم ,, ام حمـدان : السلام عليكم خـالد : وعليكم السلام و الرحمه ,, شوااخ اووه وين طاعه الشمس !! ام حمـدان : ههههه ولا تغيرت ويا هالويه ,, شحالك ؟ خـالد : يسرج الحـاال ومن صوبج ؟ ام حمـدان : يسرك الحـال ,, شحال حصه و العيـال و عميه و عموه و امايه ؟ خـالد :الحمدالله كلهم بخيــر ,, ومن صوبكم والله لكم وحشه من الخـاطر ام حمـدان : والله كلهم بخيـــر .. بتخبرك اليوم بتسيرون مكـان خـالد : بنسير العزبه ,, جيه ؟ ام حمـدان : لا قلنا بنيكم خـالد :هالسـاااعه المبـاركه والله ,, حيـاكم تعالو ويانا ,, بتحلـى السيـره ام حمـدان : خلاص عيل ,, منو بيسير وياكم خـالد : كلنـا ام حمـدان : خلاص عيل تــــم خـالد : يا مرحبـابكم والله ام حمـدان : وعيل نحنا عندنا لكم مفـااجأه خـالد : خيـر شو هيه ام حمـدان :هههههههه كيف تباني اخبرك ياها و هيه اصلا مفـاجأه خـالد :ههههه عيل خلاص لاتتاخرون لانه بنتغدا و بنسير ام حمـدان :ان شاء الله سلم سلم ع الكل ,, فداعة الله خـالد : يوصل ,, مع السلامه فطـوم : ها بشري ام حمـدان : بنسير العزبه وياهم شو رايج بعد ؟؟ فطـوم : ياويل حـااليه بتخبرج خاليه و عموه عندهم عيـال و كم عمرهم ؟ ام حمـدان : عبدالله و سلطان توام عمارهم 19 و حمـده كبركم فطـوم : الله وناسه ,, بتخبرج .. هناكي فيه دراجات ؟ ام حمـدان : ههههههه ولد هب بنيه ,, اكيد فيه ,, هيه صح وين الغنيه اللي بتسمعيني ياها ,, فطوم : همممممم تمت ادور و عقب حصلتها و سمعتها ام حمـدان ام حمـدان : ياويل حاليه ,, تخبلين والله ,, برايج عيل انا بسير صوب الاولاد و بخبر عمج فطوم : الله وياج ,, يوم ظهرت ام حمـدان ,, فطوم طولت ع غنيه حق الريـاضه و تمت تسوي رياضه ساعه كامله و تعبت من الخاطر و جان تزقر البشكاره و قالتلها تيبلها روب مال الحماموكان فيه قحفيه و يوم يابته فطوم : دام انه فيه حمام هنيه ليش ما اتصبح و عقب بلبس الروب و بسير فوق ,, و يوم دخلت شافت صابون و شامبو قالت اكيد مال حمدان فالصـاله ام حمـدان احمرت : يا ريال بعدين هب الحين فشله جدام عيالك !! بو حمـدان :شواخ بصفعج ,, يلا عطينيه ام حمـدان : ماااااابااا !! بو حمـدان : والله براويج و فخاطره يضحك عليها ,, براويج مع السلامه ومن صوب حمدان و محمد وحسو انه السالفه فيها إن و يباها تعطيه بوسه و الله انه حركات هع محمد : ها شو يبا عميه ؟ ام حمـدان محمره و قافطه : ها لا ماشي ,, وين سار عبدالرحمن : فوووق ام حمـدات اتصلت ع موبايلها و قالتلها تنزل و هيه قالت دقايق و بتنزل و عقب شويه خلصت فطوم و لبست الروم الطويل و كان لونه ياي ع وردي فاتح لبستها و لبست الشبشب و لفت شعرها وو طلعت ولازم تخ*ف من الصاله بس مابيشوفنها كانت تركض ام حمـدان : بسم الله منو ها ,, فطووم فطوم و هيه قافطه وكانت محمره من الماي الحار : همممم هاا جان تلف ام حمـدان : بسم الله خوفتينيه فطوم يودت القحفيه من تحت عشان ماتنفتح : جنيه وانا مادري محمد : جيه ماتسبحين فحمامج فطوم : كيفي عبدالرحمن : عموووه فطوم : عيونها بلبس و بي فديتك ,, برب سارت فوق و لبستلها مخوره و قالت البنطلون هذا بخليه حق السيره و جان تمر عند ساره و شافتها معصبه فطوم : بلاج ! سـاره : اخوج يقهر ! فطوم : والله مايسوا عليج ,, قومي قومي بنسير العزبه صوب اهل الشارجه سـاره : صدق ,, وناسه بنشوف عبود و سلطان هييل شو خريش من الخاطر و يحبون يقرضون فطوم : افا عليج ,, ل**ني مايقصر ,, قومي قومي بخليج تلبسين نفسي عندي نفس لبسي سـاره : اوكيه ,, بتخبرج تحيدين هالشال الاحمر اللي خذناه قبل ,, فطوم : هييه هالك اليوم النحس بلاه ؟ سـااره : مافينا ع حلجهم يوم بنصول هناكي بنربطه ع خصرنا هيهيهي عشان يستر علينا هع فطوم : هيه والله هههههههههه خذتلها غرفتها و طلعت الثيـاب اللي هم (بنلطون مخمل و جاكين مخمل اللي ايي قصير سود ,, و قميص احمر ) لبستهم ساره و طلع عليها اوكيه سـاره : ياويل حاليه فطوم : كشخه والله ,, عيل خلينا نزل تحت يوم نزلو تحت ساره شافت محمد و بسرعه شافت الصوب الثاني فطوم : رمستيه عميه خالوه ؟ ام حمـدان : هيه فديتج ,, فطوم : ها حمود انا اقولك من الحين بركب الدراجات محمد : نعم ماسمعت فطوم : جب جب مالي خص محمد : عطيني بوسه و بخليج تركبين فطوم قامته و باسته : شو تبا بعد محمد : ابا حنـان ويلصق عليها فطوم : اييه قوم عنيه بعض الناس يغارون حمـدان : ههههههههههههه هيه صح في بعض الناس يغارون سـاره : ياويل حالهم والله وعقب تمو يسولفون لين ما استوت الساعه 12 و فطوم و حمـدان كل دقيقه يشوفون بعض بس مايرمسون بعض ,, الكل لاحظ ويضحكون عليهم ,, وعقب حطو الاكل و يا بو حمـدان و تمو ياكلون وهم مستانسين ع السيره ,, وعقب قال بو حمـدان انه بيظهرون الساعه 1ونص .. البنات يوم خلصو من الاكل سارو يتعدلون من الخاطر و سمعو انهم بييباتون هناكي ,, وخذو ثياب زياده حق هنـاكي .. حتى سـاره فطوم لبست لبسها و حطت سلسله مال البنطلون ,, وحطت سلسله ع جاكيتها ,, و لبست ا**سوار و لفت شعرها و حطتلها كمن شباصه من الصغار و كان شكلها كيوووت ,, وعقب اجحلت و تجحلت من تحت و فوق كله شدو اسود و حطت مسكره و حطت شدو ابيض تحت حيايها و حطت قلوز و حطت فويها الكريم اللي في لامعي ,, و شلت شنطتها اللي يابنها حمـدان Dior كانت سودا فرو شويه عوده و حطت الاغراض اللي تباهم (المكيـاج) سـاره : بل بل سايره عرس ,, بيخطبونج حق سلطان او عبود خفي !! فطوم : برايه هههههه كيفي والله جي اوكيه صح سـاره : من الخاطر اوكيه و خاصه انه عيونج سود و كبـار ماشالله ماشالله تف تف ت ف فطوم : خيستينيه ,, يلا خلصتي انتي ؟ سـاره : هيه تريي بحطلي قلوز ,, وحطت : خلصت فطوم سارت طلتلها نظـاره شمسيه بس مخلتنها فوق راسها لول >> خقه و خلت داخل شنطتها نظاره بنيه ياي ع تدرج اللون البني وسـارت صوب كبتها و يابت غترت حمـدان و حطتها فالشنطه و ساره شافتها سـاره : غربلاتج هاي مال منو ؟ فطوم : تحيدين يوم حمـدان يرقد فـ الفندق ؟ سـاره : هيه .. فطوم : يوم يابو اغراضيه حطوها فـ شنطتيه سـاره : ولا رديتيها ؟ فطوم : ههه لا عيونيه ,, وهناكي ان شاء الله يوم بنركب الدراجات ,, بتلثم فيها بس بخلي عنونيه >> وهيه تحرك عيونها سـاره : ههههه مستخفه وعقب تمو يشوفون شنطتهم اذا ناقصنهم شي ولا لا ,, و خلصو وخلو الخدم يشولون الشنط يودونهم برع صوب حمـدان و محمد ,, لابسين نفس الشي و زهبو اغراضهم و كل شي و يوم الكل خلص وزهب عمره توجهو للحديقه فطوم و ساره مالبسو عباه واعليه عليهم يخافون تتجسف لووول ,, في الحوي كان محمد و حمـدان ,, و فطوم سـاره كانو داخل يسولفون ,, حمـدان : ياويل حاليه احس هاليوم بيكون بيرفكت الصراحه محمد : هيه والله حتى انا ,, تصدق ولهت ع سوالف سلطان و عبود ,, كلاب و لا يتصلون ولا يسألون انا براويهم حمـدان : هههههه حتى انا والله صوب فطوم و سـاره فطوم : بتخبرك جسوم بتون ويانا ؟ جـاسم AL Body Guard : هيه بس مادري كيف بنسير كل واحد بروحه ,, بشوف عميه شو بيقول .. بس الباجين لا بس نحنا الثنين سـاره : هع غريبه محمد بن راشد يسوي جي لوول جان يظهرون فـ الحوي حمـدان من شاف عيون فطوم بغا يموت : سود العيون اتخلي و اتشلي للباب من الألباب هذي وصايف خلي مجلي و قلبي بهواهم ذااااااب فطوم تمت تضحك ,, حمـدان : ساروه شو مسوين انتو !! سـاره : حمدااانيه لاتخربن علينا اميه تقول عادي لانه اسود و ماينان و نحنا هناكي بنلبس شي طويل محمد : ماشالله مطقمات و لش هب لابسين عبي ؟ فطوم : بس بوحمـدان و ام حمـدان ظهرو من البيت بو حمـدان : صوبنا صوبنا يا الغزلااااان ,, متحمسات هاا فطوم : ياويل حاليه من الخاااطر .. عميه في دراجات هناكي وايد ولا ؟ بو حمـدان : بخلي واحد اييب دراجه حقج بس يديده و من النوع الزين والقوي فطوم : ياويل حاليه والله انه محد يسوااااك وحبته ع راسه بو حمـدان : هههه فديت قلبج انا حمـدان : الحين كيف بنسير ؟ بو حمـدان : انتو 4 فسياره و انا و شيخه و البشكاره و حمانوه فسياره وليد ورانا و جاسم وراكم فطوم : اففف عيل ورانا ورانا ,, ما اقصد ال AL Body Guard اقصد بعض الناس محمد : مالت عليج جنه نحنا مايتين فيج فطوم : مادري منو اللي كان بيموت يوم طحت فـ غيبوبه الكـل : ههههههههههههههههههه و عقب دخلو السيـاره فطوم ركبت ورا حمدان و ساره ورا محمد و عقب تحركو و جاسم و راهم ,, كـــــــــــــــــت انزيــن عـاااد ,, لوول هالمره الأسئله وايد ,, 1/ شو تتوقعـون يستوي فـ العزبـه ؟ 2/ و عبـدالله و سلطـان بيكـوون لهم دور فـ القصه ولا ؟ 3/ وحمــده ,, كيف بتكـون ويا فطـامي ؟ 4/ واهــل الشـارجه كيف بتكون ردت فعلهم يوم بيعرفـون انه فطـامي بنت حمـد ؟ 5/ فطـــامي لوول شو من المـغامرات بتسويها فـ الدراجه ؟ البــااارت 17 " و عقب دخلو السيـاره فطوم ركبت ورا حمدان و ساره ورا محمد و عقب تحركو و جاسم و راهم ,, ومن دشو فطوم ماسكت حلجها 24 ساعه ترمس فـطوم : برد اليوم سـاره : يالله وايد فطوم : عيل مايبنا الشاال !!! سـاره : ترا داخل الجيس الشال فطوم : لا لا شال مال البرد هب ها .. سـاره : اويه صدقج !!!حمـداااني رد البييت بليز حمـدان : سيري لاا !! سـاره : انتو يايبين جاكيتات بليز فطوم : حمـدان انا امرض بسرعه >> طاعو الجذب .. بليز رد البيت حمـدان : كنت مابرد بس من رمستي برد من عيونيه والله فطوم استحت و سكتت وعقب حمـدان رد البيت بسرعه و نزلت فطوم و فجت الباب وهيه تركض عشان مايهزبونها ,, حصلت الشال مالها ,, و دخلت غرفة ساروه عجلت الدنيا لين ماحصلت الشال و عقب ظهرت بسرعه و دخلت السياره فطوم : بغيت امووووت وانا ادور عنبوه !! سـاره : آآ سوري فديتج حمـدان : صبرو بيب شي ,, سـاره : لاتتاخر !! حمـدان طلع و سار غرفة الاسبورت وخذا سيدي الي فيه غنيه آآه من قلب بصوت فطوم و ركب السياره و ردو ع السوالف و مره وحده فطوم : وااااايه فديت بعض الناااس حمـدان فج عينه فطوم : ولهت عليهم بتصلبهم ,, وعقب اتصلت حق مريوم و عليا دقت ع بيتهم و جان يرد رشود رشود : أألللوووو فطوم : وااايه فديتك ,, شحالك حبيبي رشود : بخيييير اتوم فطوم : ياعيون اتووم ,, حبيبي وين ماما رشود : ماماااااااااا ,, اتوووووم ام مريم ركضت و شلت السماعه : فطامي ,, حي الله البدو والله ,, شحالج غناتيه ؟ شخبارج ؟ فطـوم : يسرج الحـال الغـلا ,, ومن صوبج ؟ ام مريم : والله بخير يسرج الحـااال ولهانين عليج وايد والله فطوم : والله حتى انا ,, عيل وين البنـات ام مريم : فوق ,, صبري بحولهم الخط فطوم : اوكيه حولت الخط و تمت تزقرهم لين ماردو ع الفون مريوم : واااااااعنيه افدا هالحس شحالج فديتج ؟ فطوم : يسرج الحال ومن صوبكم ؟ مريوم : والله بخير ولهانين عليج موووت ,, عليـا : عطيني برمسها و مطت السماعه : فطووم شحااالج ؟ فطوم : و ااااااايه عليوه بخير الحمدالله ومن صوبج ؟ عليـا : بخير والله ,, اسمع حشره عندج ,, وين سايره ؟ فطوم : بسير عند الاهل فالشارجه وعقب بنسير البـر عليـا : منو هيل ؟ فطوم : يوم برد بخبركم ,, مريوم : عطينيه ياها عنز .. انزين وين سايره ؟ فطوم : ههههه عند الاهل فالشارجه ,, بقولكم عقب السالفه ,, انا بسكر الحين اوكيه مريوم : انزين ويا هالويه طمنينا عليج عاد ,, فطوم : من عيونيه و سلمي ع الاهل ,, فداعة الله مريوم : مع السلامه محمد : منو هاي ,, مريوم و عليوه ؟ فطوم : هيييه سـاره : وايه فديتهم وعقب دقيقتين سكتو جان فطوم تسولف ويا ساره و ساره مشتطه وياها و حمدان يسولف و محمد يسولف و حشرررره السيـاره فطوم مارامت تستحمل صرخت صرخه فطوم : ايييييييييييييييييييه انجبو !! عنبو سكرو هالراديو اللي فحلجكم اففف الكـل سكت لوول محمد : انتي بعد تسولفين فطوم : نسولف انزين بس بصوت واطي انتو حشره حمـدان : آسفين يا الشيخه بنجب ,, اي اوامر ثانيه فطوم استحت : هممممم شغلو الراديو و ردو محمد و حمـدان يسولفون بشكل فضيع جنه فـ سوق السمج ,, فطوم : اييييييييييييه والله انكم هروم ,, اقولكم شغلو الراديو تردون تسولوفن حمـدان : انزين انتو قلتي جي ,, اول شي قلتي سكرو هالراديو وعقب شغلو الراديو فطوم : حمـدان حمـدان .. لاتستوي غ*ي لاتستوي غ*ي فكر قصدي هااا ,, وجان تي فالنص و تأشر ع الراديو لوول شافت حمـدان فطوم : قصدي هاا انزين !! فهمت ؟ حمـدان : هييييييييييييييييييه فطوم شافت شعره طالع من الغتره مطته من القهر حمـدان : آآخ يعور ,, اصلا انتي مقهوره من شعريه فطوم : انجب انا شعريه اسود و غليض لين ركبتيه مالت عليك حمـدان : صدق ؟ فطوم : هيه والله ,, صح حمود ؟ محمد : هيه ماشالله عليج حمـدان : ماشالله سـاره : انزين شغلو ها الfm كانو حاطين غنيه فطوم ماتحبها و كانت ع نهايتها و عقب حطو غنيه دويتو سلطان الشحي و عبيد بن سرحان .. اسمحلي فطوم : يااااوييييييييييل قلبيه انا والله سـاره : واااااايه سلطان الشحي ,, فدييييته ياربيه حمـدان + محمد يشوفون بعض : تعرفهم ؟ محمد : لا ماعرفهم ههههههههه فطوم وهيه تيبس و شااده حيلها: اسمحلي اشوف قبل ما تروح واسمحلي ادواي الجرح و ارتاح تدري بعادك يقتل الروح حكم الخريف الخريف و الورق طاح حمـدان ومحمد يالسين و يبـسون .. حمـدان : يابس يابس عاااااااااااااشو >> قلد عيضه يوم يقول عاشو فطوم : ههههههههههه ,, شرات عيضه حمـدان : خخ افا عليج فطوم : بتخبركم تترايسون بـ الدرجات ؟ حمـدان : احلفي انتي بس !! وانتي شو عرفج ؟ فطوم : والله اعرف جان تبا بعد اشاوح ع العرقوب من عيونيه محمد : ما اظن انتي بنيه فيج عرج اولاد سـاره : ههههههههههههه ,, تيحيد حمـدانوه يوم اتفلسف و تنجرب عليه الدراجه حمـدان نقع من الضحك : هههههههه الصراحه كشخه هاك اليوم تضحكين خخ سـاره : جب فطوم : ياويل حاليه متى بنوصل !! حمـدان : بنوصل ان شاء الله انتي تريي !! وعقب دقـايق موبايل حمـدان رن و كانت منو (مهــا) حمـدان تغير ويهه من الخاطر فطوم : ماترد حشرتنا و يا هالموبايل حمـدان : مالي خص انتي ردي و اهزبي و صكري فطوم : خيبه منو ها بعد ,, افا عليك ماطلبت ,, جان ترد و تمت ساكته مهـا : الو حمـدان فطـوم فجت عينها مهـا : حبيبي دخيلك رد عليه والله اني ودرت هاكي عشانك فطـوم : واعليه عليج ,, بعدج حيه ,, ماتستحين ع ويهج انتي !! حمـدان عرس مهـا : عرس متى !! فطوم : امس مهـا : كييييف !! فطوم : شو بعد كيف انتي غ*يه انتي غ*يه !! بتخبرج والله ان شفت رقمج ع مووبايله صدقينه لا اخبر الشرطه لاتقولين هاي تقص عليه تراني اروم مهـا : مالت عليج انتي حرمته ! فطوم : هيييه حرمته عندج مانع حمـدان : ههههههههههههه محمد : هههههه من ورانا حمـدان سـاره : وانا اشوف فطوم فيها كرشه اخافها حامل فطوم قففففففففطت من الخاطر و شافت ساروه و تقولها براويج : انزين اقولج يلا اجلبي ويهج و ردي حق اللي كنتي وياه فالكوفي باي وصكرته ردت موبايل حمـدان فطوم : انتي شو قلتي توه ماسمعت ! حمـدان : صدق فطوم انتي حـامل وااااافديتج فطوم ض*بته ع جتفه : ايييه متى عرست وانا مادري !! اوه صح امس اونها استحت اوه استحي مالكم خص فـ اللي فـ بطنيه محمد : عيل مابتركبين دراجات فطوم : لاااااااا انا هب حامل الكـل ضحك ع فطوم ,, و عقب سولفو ..

Free reading for new users

Scan code to download app

App Store Google Play

Facebookexpand_more