كادت ان تنهض هاربه منه وليحدث ما يحدث ، فوجدت احدي الممرضات وهي تقول : يلاا يامدام ، عشان تجهزي قبل العمليه
لتتطلع لها بخوف ودموعها تتساقط : دلوقتي
لتنظر لها الممرضه بشفقه وهي تقول : معلشي ياحببتي ، هو انتي كنتي فاكره ايه ، هياخد الي عاوزه ويتجوزك اول ما يعرف انك حامل ، كلهم كده فاكرين بفلوسهم يقدروا يشتروا كل حاجه ، لتتن*د وتقول :يلا بقي هي ساعه وكل حاجه هتخلص وتروحي لحالك
لتجذبها الممرضه من يدها ، وتلتف هي ناحيته وكأنها لأخر مره تترجاهه ، وتفر من يد الممرضه وتذهب اليه وهي تقول : خليني أمشي من هنا يا أدهم ، متعملش فينا حاجه ، صدقني همشي ومش هتشوفني خالص ، ولو بابا زي ما بتقول كان سبب في تدمير والدتك ..هو دلوقتي بين أيدين ربنا وهو الحاكم الاعظم ، سيبني وانا أوعدك مش هتعرف عننا حاجه ، لتقترب منه وهي تقول : متخليش غضبك ، ينسيك انك بتغضب ربنا ، أنا مش خايفه علي نفسي صدقني ، انا خايفه عليك
