Masyado siyang nabahala sa binalita ng imbestigador na inupahan. Isang linggo na raw nawawala ang kapatid.
Agad siyang nagpaalam kay Greg upang katagpuin ang imbestigador at makita ang mga larawang nakuha sa kapatid. Mahigit dalawang taon na yatang hindi nakikita ang ate niya. Panahon na para magkita sila ngayong maayos na ang kanyang buhay. Maaaring ambisyosa siya pero dahil kay Greg nabago ang buhay niya.
Kaaalis lang ni Soe nang tumunog naman ang kanyang cellphone. Tinig ni Karyo ang nasa kabilang linya. "Hello, bossing tumawag si Billy mukhang gumagawa ng paraan para makaalis sa isla iyong babae," bigay imporma nito. Napakunot ang noo niya. Talaga bang hindi siya kayang mahalin ni Alexis.
"Okay, sabihin mo sa chopper sunduin ako 11pm mamayang gabi. Babalik din ako sa isla," aniya sa
