Madaling araw na at kauuwi pa lamang ni Igor Tordesillo nang mga oras na iyon sa kaniyang bahay. Gustuhin man niya sa hindi na umuwi, may responsibilidad at obligasyon pa rin naman siya sa kaniyang legal na asawa na si Haidy Nor at sa kaniyang anak na si Honey Tordesillo. Pagkatapos mai-park ang kotse sa garahe ay agad siyang pumasok sa loob ng kanilang bahay. Patay ang ilaw sa loob kaya, nag-assume siyang tulog na ang asawa at anak.
"Umuwi ka pa? Ay mali yata ang statement ko ano? Bakit ka umuwi? Hindi ba dapat sa darling mo ikaw umuwi? O di naman kaya ay sa honey mo ikaw dapat na tumuloy kung hindi ka pinapasok ng darling mo?"
Pagkapasok na pagkapasok pa lamang niya sa loob ay biglang nagliwanag ang sala ng bahay at naroon si Haidy Nor. Nakatayo na ito at nakapamaywang. Tila binabasa
