“Psst. Bakit ngayon ka lang ha?” tanong niya sa papalapit na si Sari. Kasalukuyan siyang nasa paborito nilang coffee shop sa labas ng Cuneta Empire Holdings Inc. nang mga oras na iyon.
Alam na alam ni Georgina kung saan didiretso si Sari kapag may kailangan ito sa kaniya. Kaya naman naroon siya sa coffee shop at naghihintay sa kaniya. Sakto ngang pumunta roon ang kaibigan.
“Ano sa tingin mo ang sagot sa tanong mo, Georgina?” sarkastikong sagot sa kaniya ng kaibigan. “Frappucino, please with less ice.” Nag-order na rin kaagad siya ng paborito niyang kape sa counter bago umupo sa harapan ni Georgina na humihigop na rin ng paborito niyang kapeng Americano.
Isang malalim na buntong-hininga ang pinakawalan ni Sari nang makaupo sa harapan ni Georgina. Katatapos lang ng interogasyon sa kani
