Pabalya kong binuksan iyong pinto at tulad ng inaasahan ko ay nandoon nga si Daddy at si Rave Santillaña- at si Tito Totz?
"Anong ginagawa ng pesteng iyan dito?" galit kong tanong kay Daddy habang nakaduro sa nakaupong si Rave na walang ekspresyon ang mukhang nakatingin sa pagdating ko.
" Bisita ko siya," kunot-noong sagot ng magaling kong ama na mukhang kumakampi na sa kalaban.
"Bisita? O bwisita? Nagtitiwala ka pa rin sa isang iyan Dad? Pagkatapos ay panibagong sekreto na naman ng pamilya ang ipagkakalat niyan," mapakla kong sabi.
Matalim akong nakatitig kay Rave kaya kitang-kita ko ang bahagyang pagtagis ng mga bagang niya.
" Walang utang na loob ang lalaking iyan! Matapos ko siyang iniligtas noon nang may nagtangkang dumukot sa kanya ay paninira ang ginanti niya," mariin kong sab
