Nang makasiguradong naihanda na niya ang lahat ay muling iniwan nina Sumati at Pinyakan ang kanilang bihag. Kailangan nilang pagplanuhan ang susunod nilang hakbang. Wala siyang balak saktan ang bihag nila subalit hindi niya napigilan ang sarili dahil sa pang-iinis nito. Idagdag pa ang tendency na wala silang mapapala rito. Pero hindi sila makakapayag na mauwi sa wala ang kanilang nasimulan. At mas hindi siya papayag na isang banyaga ang magpapataob sa kaniya.
"Pinyakan, tawagin mo ang mga kasamahan mo dahil may pag-uusapan tayo. Alam kong sa oras na ito ay paparating na si Fier Yan. Gagawin lang natin na pain ang bihag. Wala tayong mapapala sa kaniya! Ang gag*ng iyon. Nasa teritoryo ko subalit mas matapang pa yata kaysa sa mga bihag natin sa kabila." Binalingan ng pinuno ang right hand ma
