Kinuha ni Jess lahat ng mga pinamili niya sa likod ng sasakyan at nilabas lahat. Kahit na nabibigatan siya sa pagdala nito ay kinaya pa rin niyang bitbitin ito. Napakunot ang noo niya nang makitang may isang di-kilalang sasakyan sa tapat ng bahay-bakasyunan ni Ken kaya kaagad siyang nagtungo sa loob ng bahay.
“Hi Manang, gising na po ba si Ken?" bungad niyang tanong nang makitang papalapit sa kaniya si Manang.
"Ikaw talagang bata ka, bakit hindi ka nagpaalam na aalis ka pala? Oo, kanina pa siya gising." Kinuha naman ni Manang ang iba pang supot na hawak niya at dumiretso na sa kusina. Napatingin siya sa harapan niya at nakitang may kinakausap si Ken at halatang masaya ang mukha ng binata. Sumunod na siya kaagad kay Manang para tulungan ito.
"Manang." Kinilabit niya si Manang na abala
