"Ma'am, tumingin po kayo sa labas." Sinunod niya ang sinabi ng tauhan. Natigilan siya nang makitang nasa labas si Ken na nakahilig sa sasakyan nito. Napakunot ang noo niyang pinagmasdan ito, ano na naman ba ang kailangan ng lalaking ito? Bakit nasa labas na naman ito sa shop niya?
Napabuntong-hininga na lang siya at napailing na lang. Kahit anong taboy niya sa binata ay hindi pa rin ito sumusuko. Palagi na lang itong nasa labas at nag-aantay sa kaniya. Mahigit isang linggo na iniiwasan niya ito pero wala pa rin, ang tigas pa rin ng ulo nito. Pursigido pa rin ito sa pagsuyo sa kaniya. Mapait siyang ngumiti sa kaniyang tauhan at umiling.
"Hayaan mo na lang siya, mapapagod lang din iyan." Napabaling ang atensyon niya sa inilapag na papel ng kaniyang tauhan.
"Ma'am, three blueberry cake
