"MAGANDANG umaga, Sir Stefano! Heto na ang kape niyo!" Kaagad na inilapag ni Yana ang tasa na may laman kape sa mesa nang maulinigan niyang palabas na ng kuwarto nito si Stefano.
Sa totoo lang, walang ingay na nakakagambala ang paraan ng pagpapagulong ni Stefano ng wheelchair kaya mahirap malaman no'ng bago pa lang siya ro'n kung nasaan banda 'to sa lawak ng bahay na 'yon. Sa loob ng halos two weeks na rin na pamamalagi niya ro'n-- without day off at tumawag si Mamsh Claire na hindi makakarating-- nakasanayan na niya ang kapirasong tunog ng wheelchair ni Stefano at nakabisado na niya ang kilos nito kaya hindi na siya nahihirapan na malaman kung nasaang parte 'to ng bahay.
So far, goods naman ang trabaho niya ro'n. Masungit at pasaway man ang boss niya, nakikinita naman niya sa sarili na
