"AY, asa'n na 'yon? Sa'n ko nga ba nailagay 'yon?" Muling inisa-isa ni Yana ang mga botelya at tokador sa may salamin na naroon sa kuwartong inilaan sa kaniya sa bahay na 'yon ng boss niyang si Stefano.
Oras na ng pahinga niya sa gabing 'yon kaya oras na rin para sa mga ka-ek-ek-an niya sa mukha niya. Of course, isa si Yana sa mga taong kahit maraming kinakaharap na problema sa buhay ay nakukuha pa talagang mag- skin care. Aba, panay problema ka na nga at ginagawan mo naman ng paraan na malutas ang mga 'yon, bakit mo naman ipapahalata pa sa lahat na tadtad ka niyon? Hello, love yourself din kaya ang pagmamahal sa skin!
Yes, matagal nang tinanggap ni Yana na hindi na siya gano'n kaagad-agad na makakahanap ng jowa na kapalit no'ng chickboy niyang ex. Kung hindi ba naman siya ma- trauma, p
