SIMPLENG off-shoulder na white dress na lumagpas lang sa tuhod ang haba ang suot ni Yana sa para sa okasyon na 'yon. Simple ngunit elegante. Simple at elegante at pricey. Sa buong buhay niya, pinangarap lang niya ang makapagsuot ng ganoong damit na nagkakahalaga na ng ni minsan ay hindi niya nahawakan na halaga ng pera. Kaya masasabi niya talaga ngayon na abot-kamay na niya ang pinagarap na maging mapera. Napangiti na lang si Yana sa itinakbo ng pilyang isip habang minamasdan ang kaniyang sarili sa harap ng salamin.
Bagay na bagay sa'yo. 'Ganda mo mare! Pagkausap ni Yana sa sarili. Hindi niya maaaring isatinig 'yon dahil naroon sa kuwartong 'yon ang mga nag-aayos ng kasal niya at mga taong nag-aayos sa kaniya mismo.
Hindi niya maaaring isatinig dahil nang tanggapin niya ang alok ng may
