SABI nila, ang saya raw ay palaging may kakambal na lungkot. May kasabihan pa nga na hindi maaaring magsaya nang sobra dahil daw may katumbas na kalungkutan 'yon.
Siguro ay nakalimutan lang ni Yana ang kasabihan na 'yon at ngayon, habang pinagmamasdan niya ang mga magulang niya na may hindi matatawaran na galak sa repleksyon ng mga mukha kahit kapwa sila may mga luha sa mga mata— successful kasi ang operasyon ng tatay niya— habang dinadasalan 'to ngayon ng nanay niyang faith healer sa loob ng hospital suite nito, ay naalala 'yon ni Yana, out of the blue. Don't get her wrong, kahit siya naman ay masaya sa matagumpay na pagpapalit ng kidney ng tatay niya, pero don't get her 'tears' wrong dahil ang mga luha na walang ampat sa pagdaloy sa kaniyang mga pisngi ngayon ay para sa pagkamatay ng k
