Iniwan muna ni Katie kay Brenn ang shop. Sinamahan ako ni Katie sa pag-uwi ko sa bahay dahil sinabihan niya ako na hindi ko kayang umuwing mag-isa sa kalagayan ko. Baka mahagip raw ako ng mga rumaragasang sasakyan dahil wala ako sa sarili.
Nang makarating sa bahay ay pinagtimpla ako ni Katie ng kape tsaka niya ako tinabihan sa sofa.
“Alam mo, baks, sa totoo lang, ha. Kahit ano pang sabihin kong payo, ikaw at ikaw pa rin ang responsible sa actions mo. Ang magagawa ko lang ay makinig sayo bilang kaibigan mo at nandito ako para samahan ka. Alam mong kasalanan sa Diyos ang ginawa mo. Kasi kahit bali-baligtarin mo ang mundo, may asawa ka.” Wika ni Katie.
Napaiyak akong muli dahil sinapul ako ng katotohanan.
“Tama ka, Katie. Sobrang gulung-gulo na kasi ako sa mga nangyayari sa buhay ko. Si L
