"HUWAG KA KAYA munang magtrabaho, Uriel. Ang dami pang pasa niyang mukha mo, paano kapag nakita iyan ng mga ka-meeting mo?" may pag-aalalang wika ni Daisy kay Uriel nang makababa sila sa sasakyan nito at ngayon ay naglalakad na sila papasok sa restaurant niya.
"It's fine, Daisy. Wala naman silang pake kung makita nila na may mga pasa ako. Hindi mo na kailangan pang mag-alala. I am fine, okay?"
Napabuntong-hininga siya. "Bahala ka, it's your choice. Don't worry, after three days, your face will be back at normal. Bakit ba kasi kailangan mong magpabugbog kay Hugo? Hindi ka ba lalaki? Bakit hindi mo siya nilabanan? Kung hindi ka pa umalis, baka nalumpo ka na ng gagong iyon."
Nang makapasok silang dalawa, bumungad ang mangilan-ngilang tao dahil maaga pa naman. Tinungo na nilang dalawa ang k
