PROMISE rings.
Titig na titig ako sa daliri ko kung nasaan ang singsing na isinuot ni Vince sa akin. Kinailangan ko pang i-search sa internet ang ibig sabihin niyon. Commitment. Iyon pala ang ibig sabihin niyon.
Meaning, seryoso talaga siya sa akin? Hell, no.
Paano naman mangyayari 'yon? Dahil sa nangyari sa amin?
Wala sa loob na hinaplos ko ang singsing. Is he really committing himself to me? Parang ang hirap paniwalaan.
"Ate!" Sunod-sunod na katok mula sa pinto. "Ate, kakain na raw sabi ni Mama. Bakit ba naka-lock ang pinto ng kwarto mo?" Si Keifer iyon. "Ate, naririnig mo ba ako?"
"Oo na. Susunod na ako." Narinig ko pa ang yabag niyang palayo sa silid ko. Marahan kung a binagsak ang katawan ko sa malambot na kama. Pakiramdam ko hindi ako gutom dahil sa kinain ko kanina na kasama
