Rebound Girl For Hire
Chapter 12
IT'S BEEN roughly half an hour since Natasza woke up. Nakapako pa rin ang kanyang katawan sa katre na gawa sa matibay na kahoy, katabi niya roon ang mahimbing pa rin na natutulog na si Kleaus. Wala siyang balak na padulasin ang pagkakataong iyon upang pag-aralan ang bawat nakakahalinang detalye ng mukha ng binata. Hirap siyang ikurap ang kanyang bagong gising na mga mata at sadyang nahahalina siyang pakatitigan ang kanyang katabi. Pagsasamantalahan— este sinasamantala niya ang pagkakataon habang wala pa ito sa wastong huwisyo at hindi pa siya masisinghalan ng masungit na lalaki.
Dahan-dahan ay inilapit niya ang kanyang palad patungo sa pisngi ng binata. Nilapat niya ang tensyonado niyang kamay sa makinis at natural na mamula-mulang pisngi ni Kap. Maraha
