Reena De Ocampo
Nagising ako sa hindi pamilyar na kwarto. Nilibot ko ng tingin ang kabuohan ng kwarto at pilit kong inaalala kung paano ako nakarating dito. Bigla akong kinabahan nang maalala ang nangyaring pamamaril kanina sa mansyon. Nakipagpalitan ng putok sina Travis habang kami ni Ate Suzanne kasama sina Carl at Mike ay tumatakas.
Teka, nasa'n sina Carl at Mike?
Si Ate Suzanne?
Nahuli ba kami ng mga kalaban? Pero bakit napakaayos ng hinihigaan ko?
Sa mga napapanood ko, kapag bihag ka ng mga kalaban ay marumi at mabaho ang 'yong kinalalagyan pero bakit sa'kin hindi? At amoy lavender pa ang buong kwarto.
Napapitlag ako nang may narinig na marahang katok sa pinto. Dali-dali kong isiniksik ang sarili ko sa gilid ng kama kahit wala namang sense kung magtatago pa ako. Makikita't maki
