CHAPTER 14
Ilang araw din ang inilagi ni Beatrice sa Rancho Olvidares. Sa mga araw ng pananatili niya sa kanilang lupain ay sinadya niya na huwag magbukas man lang ng kanyang cell phone o kahit anong social media account. Kung tinatawagan man siya ng kanyang Kuya Jake ay hindi niya alam. Mas nais niyang umiwas na lang muna dito.
Ginugol niya ang kanyang mga oras sa paglilibot sa kanilang rancho. And she was amazed to find out that there are a lot of changes on their ranch. At ganoon na lamang ang paghangang umusbong mula sa kanyang dibdib para sa kanyang kapatid na si Vincent. Alam niya na labis na oras at panahon ang ginugugol nito sa pamamahala ng kanilang rancho.
Kung tutuusin ay pareho lamang ang dalawa niyang kapatid. Jake gives so much effort and time for their company--- the OMC.
