KYLIE'S POV
“Chen, Rah! Ano ang gagawin ko?”
Halos maluha ako pagkatapos kong ikwento sa mga kaibigan ko ang nangyaring insidente at ang imbitasyon ni Mrs. Miranda sa amin.
“Posible kayang may nagmamanman sa mga kilos mo?” tanong ni Chen, napasandal pa ito ng ulo saka nag-isip.
“Pwede rin pero sino? Ang madalas kasama ni Mrs. Miranda sa mga lakad niya ay sina Trish at Tata lang naman.” kunot ang noong saad naman ni Chen.
“Nung gabing 'yon nasaan ang dalawa? Napansin mo ba sila sa tabi ni Mrs. Miranda?" walang abog na tanong ni Rah sa akin.
Nagkatitigan kami Chen, halos magtaasan ang balahibo ko sa biglang pumasok sa utak ko. Pilit kong inaalala ang mga nangyari ng gabing iyon.
Tama, si Tata lang ang naandun nung mga oras na 'yun. Dalawa silang personal assistant ni Mrs. Miranda. Si
