Sa tatlong taon na pamamalagi niya sa St Vincent ay masasabi niyang masaya naman kahit papaano, normal na normal na sa kanya ang maging independent. Sa boarding house siya nakatira na malapit sa St. Vincent at ang kinaiinisan niya lang ay ang mga lalaki na kahit na ilang ulit na niyang binabasted ay paulit ulit parin sa pangungulit sa kanya.
"Ang kulit naman talaga, nakakabwesit talaga. Sinabi ko na ngang di ko siya type e panay parin ang padala ng mga kung ano anong mga basura sa akin." Inis na bulalas niya. Ang tinutukoy niya ay ang engineering student na dalawang taon na niyang manliligaw at ilang beses na niyang sinabihan na di niya type. Pero sinasagot lang siya nito na magtityaga daw itong ligawan siya hanggang sa marealize daw niya na ito ang kanyang soul mate.
"Sagutin mo na kas
