Wala na siyang nagawa pa kundi ang panoorin nalang ang papalayong bulto ng mga kaibigan at kasamahan sa organisasyon. Alam naman niyang babalik naman kaagad ang mga ito, ang ikinakatakot niya lang naman pag naiwan siya ay baka lapitan siya ng mga kaibigan ng dating katipan. Tingin niya ay di pa niya kaya na isiwalat sa mga ito at di niya yatang kakayanin na ipaalam sa iba ang rason kung bakit kinailangan niyang lumayo.
Alam niyang karuwagan na matatawag ang pag iwas sa halip na ipaliwanag nalang dito ang lahat. Alam niya ang pakiramdam ng pinagtataguan ng katotohanan, dahil naramdaman niya iyon noong itinago ng Nanay niya ang pagkakaroon nito ng karelasyon. Matagal din kasi bago makarating sa kanyang kaalaman ang relasyon na itinago ng kanyang Nanay kaya labis siyang nasaktan. Alam na ni
