Don't Mess With The Billionaire
Chapter 14
PASALAMAT si Wolf at hindi killer heels ang suot niya at paris na flat shoes lang kaya hindi gaanong naaabuso ang paa niya.
Walang konsiderasyon!
Kung totoo ngang iniintindi siya nito, baka naman gusto siya nitong tanungin man lang kung ilang oras na siyang palakad–lakad sa mga kalsada sa Metro. Hindi ba nito napapansin na patang–pata na siya sa maghapong paghahanap ng trabaho tapos kung hilahin siya nito parang wala ng bukas.
Mabibigo lang siya kung aasa pa siyang kukumustahin nito ang lagay niya. Sa banatan lang ito maaasahan. Iyon nga lang ay hindi pa kapani-paniwala.
“Pinasisante mo ba si Pros?” Maayos na tanong niya kay Wolf habang binabagtas ang parehong sidewalk na nadaanan na rin niya kanina. Matiwasay na lamang siyang sumama rito
