INUTUSAN ito ni Thumbler na dalhin lahat ng gamit ni Aggie sa guest room at agad namang kumilos ang kasambahay. Dinala muna niya sa sala ang buntis at pinatawag niya ang apat na kasambahay. Pareho ang mga ito gulat na gulat nang makita nila ang babaeng buntis. Nagkatinginan pa ito sa isa't isa na tila nagtatanong ang mga mata.
"Makinig kayo. Siya si Aggie Del Torre, ang aking asawa. Simula ngayon ay amo n'yo na rin siya at ang lahat niyang iutos ay sundin ninyo. Lalo na ngayong malapit na siyang manganganak. Gusto ko ay irespeto n'yo siya tulad ng pagrespeto ninyo sa akin," pakiusap niya sa mga ito.
"Opo, sir!" tugon nilang apat.
"Sylvia, Simula ngayon ang gusto ko ay ikaw ang mag-aalaga kay Aggie. Lalo na sa mga pagkain niya. Aalis ka lang sa tabi niya kapag nasa banyo at magpahinga
