PAREHONG nakatulog ang dalawa at nakayakap ang babae sa dibdib niya at hinayaan lang niya ito.
Kinabukasan ay maagang nagising si Aggie, dahil sinabi ng taga-barko na ala-dose ang dating nila sa Cebu. Sinubukan niyang matulog ulit subalit hindi na siya dalawin ng antok. Pero mas minabuti niyang mananatili sa higaan sapagkat nag-alala siya na baka makahata ang ibang pasahero na mayroon siyang tinatago dahil panay yakap lang siya sa kanyang backpack. Hanggang sa sumapit ang oras ng pagdating ng barko. At dahil malapit lang ang higaan ni Aggie sa Exit at idagdag pa na wala siyang maraming dala kaya nauna siyang makababa.
SA HOTEL, alas-dose nagising si Thumbler at nasa tabi pa rin niya ang prostitute. Siya pa mismo ang gumising rito.
"—Hala! Tanghali na pala!" At napabalikwas ito nang b
