HINDI nagtagal ang dalawa at bago sila umalis ay nag-iwan si Tumbler ng limampung libo. Bilang bayad niya sa abala nito. Ayaw sanang tanggapin ni Engred, ngunit bilit pa rin itong inabot niya sa kamay ng babae. Hanggang sa nakaalis na sila at diretso agad sa clinic ni Doctor Sassy Yulong.
Nakarating sila at pinarada sa gilid ang sasakyan niya, agad silang nagtungo sa loob.
"Si Doctor Sassy Yulong?" tanong niya sa information.
"Nasa loob ng clinic niya, sir."
"Thank you!"
At tinungo nila ang clinic ng doctor. Kumatok siya nang nasa tapat na sila ng pinto.
"Come in…" boses ng doktora sa loob ng clinic niya.
"Mr. Del Torre."
"Bumalik ba dito ang babae?" tanong niya agad at umupo sa harap ng doctor.
"No. Pero may dapat kang makita." At hinarap niya ang laptop sa dalawang lalaki.
