Inutusan ni Ate Janice sina Aiko at Junix na ilabas ang mga natitirang regalo at bulaklak. Agad namang tumalima ang dalawa, nang maisara na ang pinto ay doon ko lang naramdaman ang mabigat na tensyon.
Tensyon sa pagitan nina Ate Janice at Laila at isa pang tensyon sa pagitan naman nina Theo at Fher sa hindi ko malamang dahilan. Masama ang titig ng mga ito sa isa't isa at walang gustong magbaba o umiwas man lang.
"Ano'ng drama mo?" seryosong tanong ni ate kay Laila. "Disperada ka na ba masyado at pati hindi mo issue ay pinanghihimasukan mo?" patuyang tanong pa ni ate.
"Panghimasukan? Hindi ba pwedeng nakita ko lang?" inosenteng tanong rin ni Laila. "Big issue ito kung iba ang nakakita. Sabik na sabik lang, Wendy?" nakangising baling niya sa akin.
Tinaliman ako ng tingin ni Ate Janice at
