Pagpasok ko sa kusina ay patayo na si Ate Mayeth mula sa pagkakatumba nito sa sahig, hawak nito ang pisngi at magulo ang buhok. Galit itong nakatingin kay mama.
Taas baba ang dibdib ni mama dahil sa matinding galit na nararamdaman niya. Malalim ang paghinga at mas matalim na tingin ang iginawad kay Ate Mayeth at Roman. Pinipigilan rin ni Wella si mama sa braso dahil talagang nanginginig ito sa galit.
"Ano'ng nangyayari dito?'' tanong ko habang palipat-lipat ang tingin sa kanila.
Nag iwas ng tingin si Ate Mayeth sa akin habang umiiyak, si mama ay hindi sumagot at hindi nilulubayan ng masamang tingin ang mga ito. Si Roman naman ay tahimik lang sa isang sulok.
"Wala bang magsasalita sa inyo?!"
Walang may balak na kumibo sa mga ito. Ang dami ko ng problema! Sunud-sunod pa! Tapos makikisab
