Ang laki ng takot at pangamba ko sa huling tagpo sa pagitan namin ni Theo. Takot sa mga bagay na posibleng mangyari sa aming dalawa kapag nagpatuloy pa ang mali naming nararamdaman para sa isa't isa.
Halos gabi-gabi ay hindi ako patulugin ng mga halik niyang iyon sa akin. Natutulala na lang ako kapag naaalala ko iyon.
Kaya nang ipatawag ako ni Ate Janice sa office niya at ibalita na makikipag meeting sa amin ang bestfriend niyang si Miss Lelet ay agad akong nagsabi na pupunta.
Nandoon ang eagerness sa akin na putulin ang kung anong nararamdaman ni Theo para sa akin. At ang nararandaman ko para sa kanya.
Ayokong isugal ang nalalabing pisi na pinanghahawakan ko dahil baka hindi ko kayanin at bumigay na ako ng tuluyan.
Wala akong pinagsabihan ng tungkol sa nangyari sa huling pagkikita na
