Napatili ang mga naroon nang mahulog sa kanyang kinauupuan si Laila dahil sa lakas ng pagkakasampal ko sa kanya.
Nanginginig ang buong katawan ko sa galit. “Ano bang kasalanan ko sa ‘yo at ginaganito mo ‘ko?!” sigaw ko sa kanya.
Naglagay muli ng tasa ang isang staff sa lamesa at agad kung dinampot iyon. Sa galit ko ay ibinuhos ko iyon sa kanya.
“No!” tili ni Laila.
Namutla siya sa ginawa kong pagbuhos sa kanya ng kape. Akala siguro niya ay mainit iyon kaya ganoon na lang ang kanyang takot.
“Pasalamat ka't hindi mainit 'yan!” nanggigigil kong saad.
Gustong-gusto ko siyang saktan at iparamdam sa kanya kung gaano kasakit ang mga hita ko ngayon.
Pero tama na ang mapahiya siya sa sampal na iginawad ko. Nakatalikod na ako ng bigla niya akong sabunutan kaya natumba ako sa sahig.
“How dare
