Nang himatayin si Ate Janice ay biglang nahawi ang mga agresibong mga reporters na kung kuyugin kami ay ganoon na lang.
Panay na ang sisihan ng mga ito pero tuloy pa rin ang kislapan ng kani-kanilang mga camera.
Isinugod si Ate Janice at ako sa hospital dahil sa noo kong pumutok ng tamaan ng hindi matukoy na bagay.
Pinagamot rin sina Prima at Fher na pawang may mga gasgas din dahil sa nangyari.
Naglabas ng pahayag ang management kaugnay sa gulong nangyari. Ayon sa salaysay ay kakasuhan daw lahat ng reporters at lahat ng kasama sa insedente.
Ang totoo, wala na akong pakialam sa bagay na iyon. Naka focus ang atensyon ko ngayon sa lalaking nakahiga sa hospital bed at wala pa ring malay.
Ikalawang araw na niyang tulog. Ang sabi ng doctor ay wala daw dapat ikabahala dahil stable naman na
