“You can just check the results of your exams in the school’s portal next week. Everyone, enjoy your break…”
“Thanks, prof!”
Nakihalo ako sa mga kaklase ko sa pagpapasalamat sa huling professor na nagbigay sa exams sa amin. Sa sobrang busy ko sa mga nakalipas na araw ay halos hindi ko namalayan na tapos na ang exams week.
Back to reality.
Ibig sabihin ay kailangan ko nang kumilos para maghanap ng trabaho para sa sembreak. Dahil kung hindi ako makakahanap ng trabaho sa loob ng dalawang linggong break na binigay sa amin ay hindi ako makakapag enrol sa susunod na pasukan!
Bumuntonghininga ako at agad na inayos ang mga gamit. Balak kong bumalik na kaagad sa hotel para asikasuhin ang mga applications ko. May mga tumawag na sa akin sa mga in-applayan ko ng trabaho pero nagkaroon ng conflict
